Што прават денеска

Гоце Арнаудов

пејач

Веќе започна есенската сезона за викенд-настапи. Денеска, т.е. вечерва, настапувам на фестивалот „Филиграни“, што ќе се одржи во Домот на АРМ во Скопје, па продолжувам во текот на претстојниот викенд со настапи, кои се веќе одамна договорени

Весна Димитровска

актерка

Поради низа театарски обврски во овој месец, паузирам со снимањето на филмот „Благослов од заштитничката“, каде што го играм ликот на Богородица. Денеска сум „гневна жена“, за време на пробата на новата претстава што ја подготвуваме во Народниот театар во Велес „Гневни жени“. На 25 септември, пак, треба да настапам на МОТ.

Ангел Бунгуров

контролор на ФИФА

Претпладнево, преку Виена, заминувам за Ла Валета, Малта, каде што сум одреден да бидам делегат и контролор на мечот на женските фудбалски репрезентации на Малта и Шпанија. Тоа е квалификациска средба за настап на Светското првенство во женски фудбал.