Што прават денеска

Катерина Илиевска

актерка

Првиот дел од денот ми е порелаксиран и без некои големи планови. Но, во 18 часот веќе треба да бидам во Театар за деца и младинци, каде што на репертоарот ја играме претставата „Бескрајни соништа“. По претставата, имам еден кастинг за филм и денот го завршувам на „Виноскоп“, еден од најинтересните настани во градот, каде што се прославува виното.

Искра Трпева-Арсовска

пејачка

Денеска имам особено турбулентен ден, набиен со обврски. На прво место, се разбира, се обврските на работното место, па трчам на фотографирање за пасош... Е потоа ме очекува поголема работа за друго фотографирање. Значи, продолжувам на подготовки за фотосесија за еден магазин, со што и ми завршува денот.

Елена Стојановска

водителка на Телма и Сити радио

Редовен гостин сум на Фестивалот на новиот германски филм, што го започна своето овогодишно издание вчера во киното „Фросина“ во Скопје. Оваа година има навистина богата програма и интересни филмови кои би сакала да ги погледнам. „Их либе филм“, во духот на овој фестивал, или на нашки - навистина го сакам филмот!