Што прават денеска

Сашо Тасевски

актер

Денеска сум преокупиран со промоцијата на мојата нова книга, збирката драми што ја нареков „Аеродромци“. Промоцијата ќе се случува во 12 ч. во просториите на издавачот „Култура“, а книгата ќе биде во продажба веќе од утре. Очекувам убав ден со дружење и интересни дискусии.

Валентино Скендеровски

муз. продуцент

Денот ми се опишува со малку зборови, но ме чека многу работа. Претпладнето ми е исполнето со предавањата за моите студенти на ЕСРА. Но, тоа не е се' од обврските за денешниот ден. По завршувањето на часовите, се затворам во студио и работам на доснимување на вокалите за албумот на една интерпретаторка од Виена.

Весна Димитровска

актерка

Вчерашниот празничен ден бев ангажирана со снимање на „Македонски народни приказни“ за МТВ. Затоа денеска верувам дека дел од денот ќе минам на заслужен одмор. Вечерта, сепак, одам во мојот матичен Велешки театар за да ги гледам колегите од претставата што ни гостува од Штипскиот театар.