Што прават денеска

Олег Кондратенко

виолинист

Денеска работам со студентката Софија Никовска, која се подготвува за солистичкиот настап на концертот по повод јубилејот на ФМУ што ќе се одржи на 6 декември во Домот на АРМ. Вечерта, пак, имам снимање на филмска музика за еден американски композитор, со филмскиот оркестар во студиото М1 на МТВ.

Васка Леонтиќ

ген. менаџерка на Академија и студио „Леонтиќ“

Пред мене е убав, но како и секогаш долг работен ден. Од 9 до 16 часот сум на предавањето за бизнис-стратегии на Колин Тарнер во хотелот „Александар палас��. Попладне, неизбежно ме очекуваат обврските во студиото и академијата „Леонтиќ“, а за крај на денот - убаво расположение за роденденот на другарка ми Илина.

Нелко Нелковски

сек. за меѓународна соработка на МНТ

Во периодов работам на мојот магистерски труд и тоа ми е моментално најголемата преокупација. Секако, тука е и тековната работа, т.е. подготовката на стратегијата за меѓународна соработка на МНТ. Останатото време е за вообичаени семејни активности - транспорт на деца в училиште, жена ми на работа и слично.