Што прават денеска

Сашо Лазаровски

дир. на ЈП „Водовод и канализација“

И денеска продолжувам со активностите на терен со откривање на дивите приклучоци на мрежата на „Водовод и канализација“ во општината Сарај. Покрај овој приоритет, ме очекуваат и други работни обврски. Сепак, попладне морам да најдам време за пливање. Вечер со сопругата, планираме дружење со пријателите.

Олег Кондратенко

виолинист

Главната професионална обврска со сопругата Ана денеска ни е електронската сесија, на снимање на филмска музика преку Интернет за САД. Снимањето се одвива со филмски оркестар, во студио на МТВ, специјално опремено за ваква музичка продукција. Инаку, снимањето денеска ќе се случува од 19 до 22,30 часот.

Андријана Алачки

пејачка

По утринското пиење кафе и подготвување ручек - тргнувам по состаноци. Ја подготвувам промоцијата на мојот „Македонски традиционален готвач“, што ќе се одржи во ресторанот „Етно село“ кај Куманово. Потоа продолжувам на состанок со Организациониот одбор на Саемот на жената, што ќе се одржи од 23 до 25 септември на Скопскиот саем, а каде што ќе имам свој штанд. Вечер - релаксирана средба со другарките.