Што прават денеска

Горан Тренчовски
режисер и дир. на „Астерфест“

Денеска сум во Струмица и денот го минувам со телевизискиот режисер Тимоти Бајфорд, кој дојде од Белград да ја прими специјалната филмска награда што годинава му ја доделивме од „Астерфест“. Свеченото доделување е вечерва во Домот на АРМ во Струмица.

Кирил Поп Христов-Кили
актер

Интензивно сум му посветен на моето животно прашање - како да продрам во порите на општеството. И колку се тие позатворени, јас сум толку поупорен да навлезам во нив. А кога ќе влезам, ако не денес, можеби утре-задутре, е тогаш нема веќе излегување. Па кој како сака нека сфати.

Панчо
диџеј

По вчерашниот настап во Крушево, денеска заминувам за Струга каде што вечерва ќе имам диџеј-сет во клубот „Адмирал“. Претходно ќе застанам во Охрид каде што и ќе престојувам овие два дена, а се надевам дека ќе се најде време и за плажа. Утревечер во кафулето „Кадмо“ во Охрид, исто така, имам диџеј-сет.