Што прават денеска

Миле Кузмановски

пејач

Денеска влегувам во студиото „Анастасија“ првично да ја поставиме песната што ќе ја изведам на фестивалот „Роса“, кој ќе се одржи на крајот на ноември. Освен тоа, треба да се сретнам и со Александар Митевски, со кого, исто така, подготвувам нова песна.

Катерина Шехтанска-Лаковски

актерка

Една од обврските денеска ми е синхронизација на серијата „Долина на волците“. Потоа поминувам во театар за да бидам во тек со работите што се одвиваат таму. Ги земам децата од градинка, па попладнето е посветено на нивните желби и потреби. Вечер, ако имам енергија, ќе посетам некоја претстава на „Скомрахи“.

Маја Панчева

пејачка

Главната преокупација во текот на денот ми се училишните обврски на децата. Сосема вообичаено за родители со училишни деца. Сепак, размислувам за скоро снимање на една песна од брат ми. Во меѓувреме се трудам меѓу слушателите да заживее песната „Остави ме да горам“ што ми ја направи Калиопи.