Здравкица Билбиловска 

радиоводителка

По викендот во Охрид и снимање материјали за ТВ Џангл, еве понеделнички повторно се враќам на старите обврски во радио Метрополис. Покрај радиообврските, полека работиме и на материјалите за ТВ Џангл, кој веќе се емитува во македонскиот етер, но од септември започнува со поамбициозна програма.



Војче Китановски

хуморист

Од мојата родна Крапа, каде што го минувам летово, денеска се спуштам во Охрид, каде што вечерва треба да ги забавувам децата од детските одморалишта "Славејче" и "Радости". Дружењето со децата ми е претставува особено задоволство и радост.



Нора Шакири

ПР во "Аворд продукција"

Иако е се' стивнато на естрадата, сепак, речиси цел ден го минувам во "Аворд продукција" и работам на еден проект што треба да стартува од септември. Сакам да завршам колку што е можно повеќе обврски пред да заминам на одмор во почетокот на август, прво во Охрид, па во Албанија.