Александар Микиќ

актер

Веќе наголемо во МНТ работиме на претставата „Фигаро се разведува“, па претпладнево сосема извесно сум на проба. Вечер, мислам дека имам претстава на репертоар (морам да проверам, ха,ха), но за секој случај не се оддалечувам многу од театарот.

Татјана Лазаревска

пејачка

Семејно си дозволивме продолжен викенд на чист воздух во викендичката во селото Живојно, Битолско, па главно уживаме во природата и желбите на децата. Инаку, интензивно размислувам за настапот на фестивалот „Роса“, па штом ќе се вратам во Скопје, поконкретно ќе се ангажирам околу изборот на песната.

Валбурга Батева

текстописец

Пред да започнам со работа, со преводите што ме очекуваат од англиски и од италијански, одам на утринска прошетка до блискиот парк во Ѓорче Петров. Попладне и' помагам на ќерка ми Кристина околу нејзините училишни обврски, а треба да работам и на новата песна за Момо Николовски. Вечер, може да има некое понеделничко излегување.