Што прават денеска
 Огнен Неделковски
текстописец
Понеделнички, продолжувам со вообичаените работни обврски во Советот за радиодифузија од 8 до 16 часот, но веќе од 16,50 ч. започнувам со нешто ново. Почнувам со емисијата „Мак оптима листа“ на Спортското радио 90.3 ФМ , која ќе трае до 17,50 часот. Првите впечатоци и критики ги очекувам од семејството, на кое му го посветувам остатокот од денот.
 Драган Даутовски
музичар
Она што е извесно во почетокот на неделава се денешните часови со студентите на ФМУ. Секако, на тоа посветувам голем дел од денешниот ден, но и се подготвувам за проектите што ми претстојат на крајот од месецов и со квартетот, а и мои лични проекти
 Зоран Јакимовски
професор на ФЛУ Работата со студентите на графичкиот оддел на ФЛУ, покрај она од наставната програма, периодов ни е интензивирана со подготовката за изложбата на фондацијата „Драгутин Аврамовски-Гуте“, што планираме да ја отвориме во текот на следната седмица. Тоа е важна изложба за одделот и за студентите, зашто првонаградениот ќе добие годишна стипендија од „Сетком“.
|
