Што прават денеска

Оливер Димитров

ум. директор на „Скопје фест 2011“

Откако се нафатив за работата на уметнички директор на „Скопје фест 2011“, каде што ќе се избира и македонскиот евровизиски претставник, и викендите се исполнети со ангажмани. Моментно приоритет ни е конкурсот, кој е отворен до 15 декември 2010 година, да биде успешен. Пропозициите за конкурсот може да се видат на www.mtv.com.mk. Годинава песните што конкурираат треба да бидат целосно подготвени.

Весна Илкова-Гиновска

оперска певица

По напорната работа, го дочекавме и денот на премиерата на операта „Моќта на судбината“, каде што го изведувам главниот лик - д��на Леонора. Многу се радувам што ова дело на Верди се поставува на сцената на МОБ по девет години, со екипа која созреа до некое повисоко ниво и ги изгради своите кариери. Верувам дека под раководство на маестро Џузепе Морети, ќе направиме незаборавна премиера.

Благој Мицовски

костимограф

Бидејќи времето е врнежливо и оди кон зима, не преостанува ништо друго освен да се фрлам на работа. Иако викенд, денес ги привршувам костимите за претставата со буто-танчари, што во понеделник ќе биде изведена во Драмскиот театар во Скопје. Покрај тоа, имам и костимска проба за претставата „Опасни врски“, што се подготвува во Битолскиот народен театар.