Анета Шуланковска

членка на „Синтезис“

Вечерва на Кале имаме концерт во рамките на „Скопско лето“, кој ќе биде и своевидна концертна промоција на нашиот последен албум „Идентитет“. Сепак, претпладне ги завршувам обврските на работното место, а потоа ме очекува генерална проба со групата, малку одмор, па ја очекуваме публиката на Кале.

Младен Крстевски

актер

Денеска патувам за Белград каде што, всушност, треба да извадам виза за Чешка, каде што од 15 јули треба да бидам гостин на еден филмски фестивал во Прага. Значи , денот ми е главно во патување и администрација.

Анка Гиева

пејачка

Летово уште од неговиот почеток го минувам, главно, криејќи се од жештините. Сепак, веќе почнувам да се подготвувам за настапот на 14 јули во Валандово, на концертот „Легенди на народната песна“, во организација на друштвото „Китка“ од Валандово.