ШТИП - Педофилот Трајче Ефремов (60) од светиниколското село Ѓуѓанци доби 13, а неговиот пријател Раде Петровски (40) од Ерџелија, 10 години затвор за педофилски напад врз девојче со ненаполнети 14 години. Ваква пресуда им изрече Кривичниот совет при Основниот суд во Штип, со кој претседаваше судијата Стојан Михов.
Ефремов и Петровски извршиле полов напад врз ученичка во седмо одделение. Прво Ефремов, кому ова му било втор случај на педофилство, во април ја одвел малолетничката во неговата куќа. На седмоодделенката и' рекол дека од касетофон ќе и' пушти лента со гласот на нејзината мајка, која, наводно, ја советувала да биде во блиски односи со него. Ја одвел девојката во собата, ја пуштил лентата, од која се слушала само музика и недолични вицеви. Ефремов почнал да се соблекува, потоа ја допирал малолетничката. Девојчето плачело и се бранело, па насилникот не успеал во намерата да ја силува.
Раде Петровски, пак, влегол во куќата на девојчето, додека нејзините родители не биле дома, и додека спиела, почнал да ја бакнува и да ја допира. По вториот напад кој се случил, девојчето им раскажало на родителите за се што и' се случувало со двајцата педофили, кои беа приведени и на кои судот им ги изрече споменатите казни. (И.Б.)
