Што прават денеска

Драган Довлев

дир. на Театарот за деца и младинци

Денеска со театарот тргнуваме за Котор, Црна Гора, каде што ќе учествуваме (веќе традиционално) на Театарскиот фестивал за деца. Оваа година ќе се претставиме со претставата „Бескрајни соништа“. Настапуваме на 9 јули и се надевам дека ќе се вратиме повторно со убави искуства и убави зборови.

Ана Зафирова

ТВ-водителка

Синоќа се вратив од Атина каде што присуствував и и' бев поддршка на македонската екипа на Специјалната олимпијада. Се' уште не ми стивнуваат радоста и возбудата од успехот и неколкуте освоени медали на нашата екипа. Меѓу другото, имам и добар материјал за ТВ-емисија.

Андријана Јаневска

пејачка

Со оглед на мојата состојба на поодмината бременост, денот го минувам, главно, во одмор и во подготовки за летен одмор. Нема да одиме далеку, во Охрид, но, сепак, и за таму се неизбежни подготовки и пакувања. Вечерва можеби со сестра ми ќе одиме во кино.