Што прават денеска

Кристина Арнаудова

пејачка

Денеска имам состанок во „Софија трејд“ каде што се работи мојот нов музички материјал, кој планираме да се појави наесен. Голем дел од денот го минувам со син ми Максим, а вечерта е наменета за работа на новите песни за есенскиот албум.

Надица Георгиевска

модна менаџерка

Немам време за адаптирање од релаксираниот охридски викенд. Од 4 часот утринава сум на работа на скопскиот аеродром, па се' до 16 часот. Во летниот период се случуваат вакви смени од 12 часа. Попладне собирам малку одмор, па вечер сме на роденден кај еден драг пријател.

Наум Попески

писател за деца

Денес се вратив од краткиот одмор во родното Вевчани, каде што при секое одење, се навраќам на моето детство. Таму имам најголема инспирација за моето творештво, како и за мојата најнова книга за деца „Летни светни светулке“, на која вечерва ќе и' ја додадам рецензијата што ја напиша Велко Неделковски.