Атина - Синдикатите на грчките работници и работодавците потпишаа спогодба за замрзнување на платите во текот на оваа година и за нивно зголемување во согласност со инфлацијата во еврозоната во 2011 и 2012 година.
Спогодбата меѓу Општата конфедерација на трудот (ГСЕЕ) и Сојузот на грчките индустријалци (СЕВ) се однесува на сите вработени во приватниот сектор во Грција, односно на околу два милиона лица.
Првото зголемување на платите, за кое се прогнозира дека ќе изнесува 1,5 процент, ќе биде направено во јули 2011 година, а второто во јули 2012 година.
Во согласност со условите содржани во пакетот, договорен со ЕУ и со ММФ, кој предвидува отпуштање на кредити за Грција во вредност од 110 милијарди евра за период од три години, минималните плати во приватниот сектор треба се задржат на стабилно ниво во следните три години. (Ек.Р.)
Pri vakvi vesti bi trebalo vo naslvot da se navede za koja zemja stanuva zbor. Ova e specijalno neophodnio za internet izdanieto...zosto da klikam ako ne sum zaintersran za Italija, Grcija... Utrinski a i drugi vesnici mnogu cesto ja izostavuvaat zemjata vo naslovot shto e mnogu povrsno i neprofesionalno.
Se nadevam deka ke ja prifatite ovaa dobronamena kritika.
