 Магдалена Ризова
актерка
Последниот слободен викенд ќе го искористам за да отидам до Грција и уште малку да поуживам во морето. Веќе рано наутро сум на плажа каде што со задоволство ќе се разладувам. Се надевам дека добро ќе се одморам, бидејќи од септември ме очекуваат многу претстави и снимања.
 Катерина Поповска
новинарка во ТВ АЛФА
Станувам рано, а некаде пред девет часот ми почнува работното време во Алфа телевизија. Со оглед на темпото на информативната редакција во која работам, постојано сум во трка со времето и единствено навечер можам да се видам со пријателите. Се надевам дека в недела ќе имам повеќе слободно време кое би сакала да го поминам на кеј, возејќи ролерки.
 Јасмина Димитровска
пејачка
Денешниот ден целосно ќе ми биде посветен на вечерашниот настап во поп-вечерта на фестивалот „Охрид фест“. Веќе сум во Охрид, а утрото ќе го почнам со кафе во некое од кафулињата покрај езерото. Околу пладне заминувам на генерална проба, по што ме очекуваат финални подготовки и концентрација пред почетокот на фестивалската вечер закажан за 21 часот. | 
