Што прават денеска

Маја Кикириткова

моден креатор

Понеделник, старт на нова работна недела. Бидејќи сум асистент на Технолошко-техничкиот факултет во Штип, а во тек е колоквиумска недела, денес имам колоквиум и ангажирана сум околу тоа. Периодов се актуелни матурантките, па попладне имам закажано со клиенти. Вечерта е резервирана за релаксација во добро друштво.

Лени Партикова-Ременска

музичар

Денот ми започнува со утринско кафе во друштво на мојот сакан, се подготвувам за работните обврски во МОБ и по завршувањето, секогаш одам со моите драги колешки на кафе покрај кејот на женски муабети. Мал шопинг низ нашите бутици, бидејќи секогаш нешто недостасува, а вечерта одам на гости кај семејството да си ги видам моите две најсакани внучиња, без кои не ми поминува ниту еден ден.

Сашко Георгиев

стилист

Утрото, по непишано правило, е посветено на син ми Иво - вообичаени ритуали и прошетка по чаршијата. Имам закажано неколку пробни фризури во мојот салон „Арс нова“ во Охрид, матурските наближуваат, а матурантките се подготвени на радикални чекори со косата. Вечерва задолжително средба со некоја од бабите и дружење со семејството.