Што прават денеска

Маја Гроздановска-Панчева

пејачка

Во овој период интензивно се подготвувам за снимање на спотот за мојата најнова песна. Наскоро почнуваме со снимање, па со Принц, кој ќе го изработи спотот, сега ги подготвуваме сите детали. Ова ни е прва соработка и верувам дека ќе биде успешна. Остатокот од времето е за семејството.

Жанко Голабоски

радио и ТВ-водител

По вчерашниот ден минат во метрополата, утрово сум повторно во Охрид, со лопата в рака за чистење снег и да ме видат соседите што домаќин сум. Потоа в радио, до 12 ч. со емисијата „Охрид не бери гајле“. Попладне имаме состанок на велосипедското друштво „З’ш точак“ и ја организираме за викендов, зимската велосипедска тура меѓу Охрид и Струга.

Јасмина Поповска

актерка

Бидејќи овој месец немам претстави на репертоарот на мојот матичен МНТ, по празнувањата се посветив на реновирањето на станот. Освен тоа преокупирана сум и со испитите на син ми, веројатно повеќе од него. Во овие зимски денови, некако, најубаво е дома.