Што прават денеска
 Горан Тодоровски
естраден уметник
Денот го почнувам во О.У. “Јоаким Крчоски“ каде што имам редовни обврски како професор по биологија. Потоа, треба да се сретнам со Благица Павловска, да се договориме за фестивалот во Валандово на кој таа ќе настапи со моја песна. Вечерта ќе им ја посветам на пријателите, најверојатно во домашен амбиент.
 Горан Колевски
шеф- координатор во ПИОМ
По празниците, вторникот го започнувам со вообичаени обврски на работа. Попладнето е резервирано за најдрагите- ќерките Анастазија, второодделенка , седуммесечната Теодора и сопругата. Доколку е убаво времето, сигурно ќе се прошетаме до кејот- постарата ќерка ќе вози ролерки.
 Вероника Чадловска
сопственик на студиото „Афродита“
Овој ден ќе ми помине во подготовки- утре треба да заминам за Германија на семинар и промоција на нови козметички препарати, па очекувам максимална лична експедитивност. Секако, ова ќе биде можност да им го честитам празникот на моите пријатели и познајници.
| 
