Диме Илиев

актер

Се надевам дека утрово барем нема да врне за да си ја „исполнам“ утринската прошетка, па да продолжам на физикална терапија. Вечер, со Драмски театар ја играме „Сон на летната ноќ“ во Куманово, еден ден пред официјалната скопска премиера на матичната сцена.

Елена Ристевска

пејачка

Денеска во 8 часот денот веќе наголемо ми е почнат, бидејќи во 9 ч. полагам испит, па утринава правам последно прелистување на материјалот. По испитот треба да се подготвам за вечерашниот настап во Штип, а во меѓувреме имам интервју со новинари од една српска телевизија.

Цветан Гаврилов

дир. на хотелот „Црешово топче“

Веќе од денеска почнува мојот ангажман, не само како директор на хотелот туку и како претседател на Општинскиот фудбалски сојуз на Пробиштип, околу подготовките и организацијата на првиот натпревар што ќе се одигра во нашиот град меѓу младите репрезентации на Македонија и на Бугарија. Верувам дека ќе бидеме одлични домаќини.