Мена Сувари

Свадба од соништата во Ватикан

Слатката убавица од филмот „Американска убавина“, Мена Сувари, се омажи за долгогодишното момче, Италијанецот Симоне Сестито, кој е шест години помлад од неа. За убавата актерка и нејзиниот новопечен сопруг, венчавката била како од соништата. Имено, свадбената свеченост се одржала во романтичниот Рим, додека црковниот дел се одржал во приватна црква во Ватикан.

„Церемонијата беше навистина посебна, а Мена им го одземаше здивот на сите присутни со својот изглед. Двајцата изгледаа многу вљубено додека ги изговараа заветите“, раскажал еден од гостите за магазинот „Пипл“.

Новопечените сопружници се запознаа на Филмскиот фестивал во Торонто, во 2008 година, а само по една година ја објавија свршувачката. Мена веќе била во брак со германскиот филмски снимател Роберт Бринкман, кој од неа беше постар дури 18 години. Пет години подоцна, поради „непомирливи разлики“, парот одлучил да се разведе во мај 2005 година.