Што прават денеска

Бади Бекир

пејачка

Денешниов ден, како и сите други работни денови ми е во знак на обврските во моето козметичко-фризерско студио. По утринското кафе во домашна атмосфера, во 10 часот сум на работа каде што ме чекаат моите редовни, но и нови клиенти. Не ја запоставувам ниту музиката и во некоја пауза се среќавам со колешките. Вечерва ќе излезам со моите пријателки.

Дарко Василевски

ПР на "ОГАЕ Македонија"

Денот ќе ми биде е посветен на Евровизијата и на првото полуфинале, во кое настапува и нашиот претставник. Со членовите на клубот на евровизиски фанови „ОГАЕ Македонија“ веќе подготвивме терен за заедничко гледање на полуфиналето за оттука да го бодриме Ѓоко. Во постојан контакт, во живо, ќе бидеме и со нашите членови што се во Осло и кои ќе ни пренесат дел од атмосферата.

Сунчица Јакимовска

фризерка

Секој работен ден се будам околу 8 ч, а утрото го почнувам со шолја силно кафе. Во 9 ч ме очекуваат клиентите во мојот фризерски салон. За време на паузата од 12 до 15ч треба да се сретнам со еден дистрибутер на бои за коса, а потоа пак на работа. Вечерта ја користам за прошетка низ продавниците и избор на вистинскиот подарок за првиот роденден на мојот внук Марко.