Каролина Петковска

уредник во МТВ

Ден - вистинска лудница, но се обидувам да го доведам во ред. Неизбежно, почнувам со утринско кафе за расонување и подготовки за вечерашниот пренос на финалната вечер на „Евросонг“. Ќе биде интересно, но без голема возбуда поради отсуството на македонските претставници во финалната вечер.

Благоја Грујовски

пејач

Денеска треба да ја снимам новата песна со која ќе настапам на претстојниот Фолк-фест „Валандово“. Покрај тоа, очекувам да ми пристигне и визираниот пасош од Белград, па на 1 јуни заминувам на едномесечна турнеја низ Австралија.

Стево Поповски

раков. на сервис „Автомакедонија“

Сабота е редовен работен ден за привршување на поправките и издавање на возилата на клиентите. Покрај тоа, ги разгледуваме резултатите од активностите во изминатата недела и правиме распоред и подготовка за идната недела. Остатокот од викендот е за следење спортски натпревари.