Дејан Лилиќ

актер

Утринава, пред заминување за Охрид, имам важен состанок со една австриска фирма. Со екипата на Драмски театар, т.е. со претставата „Сон на летната ноќ“, попладне ја имаме првата амибиентална проба во Охрид. Потоа, одам за Отешево, каде што колегата Дац настапува со „Облачна исповед“ на фестивалот на „Актерот на Европа“.

Милка Ефтимова

оперска певица

Со деветнаесетте настапи во мојата биографија на „Охридско лето“, годинава имам намера да уживам во оваа манифестација од страна на публиката. Денеска се подготвувам за утрешното заминување во Охрид, каде што ќе останам десетина дена, како и за отворањето на „Охридско лето“.

Дејан Николовски

инст. по фитнес во ТЦЦ „Плаза“

Вообичаено, денот ми започнува со мојот личен тренинг за одржување на формата и кондицијата. Потоа продолжувам со работа, т.е. со тренинг - инструкциите за членовите на клубот. Вечер, најверојатно, релаксирано дружење со пријателите.