Александар Сидоровски

уредник во МТВ

По подолго време, викендов конечно сум слободен од работните обврски. Единствено што планирам е да се одморам и наспијам. Во паузата од спиење, ќе одвојам време да ги проследам натпреварите од актуелното Европско првенство, како и бараж-средбата во ракомет помеѓу Македонија и Исланд.

Ева Нединковска

пејачка

Викендов ќе ми помине работно. Бидејќи на 28 јуни ме очекува настап на музичкиот Радиски фестивал, викендов со мојата танчарска група ќе ја подготвувам кореографијата, а потоа ме очекуваат и проби со браќата Тавитјан, затоа што на 3 јули заминуваме за Лондон. Ако успеам да одвојам време, в недела е можно да заминам малку и до Охрид.

Фани Христова

диџејка

Викендов планирам да си го посветам себеси и на своите пријатели. Доколку времето е убаво, ќе заминеме за Охрид, но ако не е, ќе останеме да се забавуваме во Скопје. Имам план да направам интимна забава по повод мојот роденден и да си поминеме супер. Во меѓувреме, ќе ги следам и натпреварите на Европското првенство во фудбал.