Што прават денеска

Катерина Коцевска

актерка

Иако веќе имавме неколку изведби на „Хамлет“- на „Охридско лето“, во Стоби и успешно гостување со претставата во Англија, особено е чувството на возбуда пред скопската премиера. Вечерва, на сцената на матичниот Драмски театар, премиерно го играме „Хамлет“ и со возбуда и нетрпение ја очекувам реакцијата на скопската публика.

Стевче Стојковски

музичар

Вообичаен ден, со голема радост зашто е последен во работната недела. Сепак, ги извршувам работните обврски во МТВ, па им се препуштам на благодатите на семејниот живот. Инаку, во меѓувреме сум во потрага по издавач за цедето со народни песни од Тиквешкиот регион, кое веќе е завршено.

Сузана Гавазова

пејачка

Денеска се пакувам за две патувања и настапи на различни дестинации. Вечерва имам настап во Кавадарци, па во текот на попладнето тргнувам од Струмица. По настапот во Кавадарци се упатувам кон скопскиот аеродром, од каде што полетувам за Виена каде во сабота вечер имам настап.