Што прават денеска

Горазд Цветковски

актер

Денеска во МНТ треба да ја одиграм генералната проба за претставата „Опера за три гроша“, чијашто премиера ја подготвуваме за октомври. Веднаш потоа заминувам за Битола, каде што треба да работам на претставата со работен наслов „Се' во градината“, што треба да се одигра во рамките на „Битолско лето“.

Билјана Стојановска

пејачка во „Синтезис“

Викендов ми е без некои големи планови и веројатно ќе ми биде како и сите денови - целосно посветен на децата. Всушност , полека се подготвувам за патувањето во Шпанија, со „Синтезис“, каде што за две седмици треба да настапиме на еден фестивал, во гратче близу Мадрид.

Давид Леон Ѓорѓиоски

планинар

Конечно сум во Македонија и денес со нетрпение ја очекувам мојата баба Василка, која ми доаѓа на гости од далечната Австралија. Последниве десетина д��на бев во Грција, на планината Олимп, и јас со моите девет години сум најмладиот македонски планинар што го освои недостапниот врв Митикас, со 2.917 м. Активно учествував и на Меѓународниот семинар за јога „Олимп“, под водство на учителот Луј.