Што прават денеска

Павлина Новаковска
сопран

Пред премиерата се трудам денот да го поминам во одмор и концентрација за вечерашниот концерт. Можеби претпладнево ќе се дружам со пријателите на кафе, а попладне веќе започнуваат подготовките за вечерашната премиера на операта „Плаштот“. Во 20 ч. веќе се крева завесата на сцената на МОБ и настапувам.

Роберт Велјановски
актер

Денеска немам никакви обврски кон мојот матичен Драмски театар, па голем дел од денот ќе потрошам на подготовка за часовите по актерска игра, што идната недела треба да ги одржам на ЕСРА. Другиот дел од денот ми е за семејството. Всушност, ова сакам да ми биде релаксиран викенд.

Миланка Рашиќ
ТВ - автор

Доцна ноќеска се вратив од Битола, во врска со организацијата на државните првенства во танц, со Танцовиот сојуз на Македонија. Денеска, не смеам да го пропуштам преносот на италијанскиот детски фестивал „Златна паричка“, каде што настапува нашата Ања Ветерова и да се погрижам за роденденскиот подарок за другар ми Славе.