Подигнете ги готовите лични документи

Управните служби при СВР Скопје денеска ќе работат во две смени, во периодот од 8,30 до 20 часот. Во просториите на МТВ, службите ќе работат на издавање на веќе готовите пасоши и лични карти за сите граѓани што добиле известување телефонски или преку СМС-пораки, за изработените лични документи, како и на издавање возачки дозволи, уверенија за државјанство, дозволи за оружје и други услуги што со под ингеренции на МВР.

Освен тоа, Управните служби при СВР Скопје денеска ќе им бидат на располагање на средношколците заинтересирани за аплицирање за лични карти од средното училиште „Панче Караѓозов“, при што според направениот план, на пунктот кај поранешно „Беко“ ќе можат да аплицираат 717 ученици. МВР апелира заинтересираните средношколци претходно да ги обезбедат сите неопходни документи за аплицирање за лична карта. (Г.А.)