Хорнетси не знаат за пораз

Њу Орлеанс ја продолжи победничката серија од почетокот на сезоната во НБА, стигнувајќи до шестиот триумф во низа, овој пат во Милвоки од 87:81. Крис Пол повторно беше меѓу најдобрите кошаркари на натпреварот, а Бакси во текот на целата средба имаа негатива од десетина поени, за во последните минути да се доближат на минус три (81:84). Но, токму Пол ги даде последните кошеви за гостите, обезбедувајќи им нова победа. Тој го заврши мечот со 14 поени, девет скока и шест асистенции, а најефикасен беше неговиот соиграч Дејвид Вест, кој постигна 25 поени. Кај домаќинот најдобар беше Ендрју Богут со 19 поени и со 14 скока.

Мајами пронајде нова жртва во Њу Џерси, совладувајќи го со 101:89. Гостите му одолеваа на домаќинот во првото полувреме, но во третата четвртина проработеа Двејн Вејд и Леброн Џејмс, а Мајами тој дел од мечот го добија со 32:17. Вејд беше најдобар играч со 29 коша и десет скока, а Џејмс прокнижи 23 поени и девет асистенции. Одличен беше и Крис Бош со 21 поен и пет скока. Гостите ги предводеше Ентони Мороу со 25 поени и седум скока.

Други резултати: Вашингтон - Кливленд 102:107, Шарлот - Орландо 88:91, Сан Антонио - Хјустон 124:121 по продолжение, Далас - Денвер 92:103, Јута - Лос Анџелес Клиперс 109:107 по продолжение, Портланд - Торонто 97:84, Сакраменто - Мемфис 91:100.