Коњановски на средба со американски конгресмени

Вашингтон - Македонија заслужува да биде членка на НАТО, изјави американскиот конгресмен, Роберт Адерхолт, од Републиканската партија по средбата во Вашингтон со министерот за одбрана, Зоран Коњановски.

Адерхолт беше еден од иницијаторите на писмото за поддршка на Македонија за влез во НАТО, потпишано од 19 конгресмени кои во петокот беше испратено до американскиот претседател Барак Обама и до други официјални претставници на САД.

Според Адерхолт, да се знае придонесот што го дава Македонија не само во Авганистан, туку и за ширење на демократијата и слободата. Коњановски оствари средба и со сенаторот Патрик Леахи, кој поднесе резолуција за Македонија во Сенатот. Според Леахи, поддршката од САД е јасна и недвосмислена и Македонија треба да биде вреднувана во согласност со сето она што го има направено изминатиот период. Тој посебно се осврна на македонското учество во мировните мисии и улогата што ја има во нив. (МИА)