Ја имам најдобрата работа во светот

Вашингон - Американскиот претседател Барак Обама изјави има "најдобра работа во светот", оценувајќи дека дури и неговиот рејтинг и понатаму е на задоволувачко ниво со оглед на тешкотиите со кои се соочува неговата администрација.

Обама на претседателската функција е 17 месеци и наведува дека "работата ниту го заморила ниту му здосадила".

- Тоа е најдобрата работа на светот.Голема привилегија е секое утро да станувате и да знаете дека ќе имате прилика да му служите на Американците и да се трудите со својата работа барем малку да им го подобрите животот. Или можеби животот на следните генерации, истакна Обама. Рејтингот на Обама во моментот е нешто под 50 отсто, но тој е задоволен.- Ја доживеавме најлошата рецесија од големата депресија од 30-тите години, а САД водат и две војни во Авганистан и Ирак. Имавме уште многу други кризи и луѓето се уште не се соземени, било да се работи за вработување или решавање на станбените проблеми. Луѓето се бесни со причина, но почнуваат да сфаќаат дека економијата полека заздравува. Минатиот месец го забележавме најголемиот раст во вработувањето и верувам дека истиот ќе биде добар и овој месец, истакна Обама.