Нема бегање од патот на Хомеини

Техеран- Иранскиот претседател Махмуд Ахмадинеџад ја предупреди денеска опозицијата да не отстапува од патот трасиран од лидерот на Исламската револуција, ајатолахот Рухолах Хомеини. Народот ќе ги прогонува оние кои ќе скршнат од патот на имамот, им порача Ахмадинеџат на насобраниот народ во храмот на ајатолахот Хомеини, по повод одбележувањето на 21-годишнината од неговата смрт.

Изјавата на Ахмадинеџад уследи по најавите на опозицијата дека на 12-ти јуни, првата годишнина од спорните претседателски избори, ќе оддржи масовни демонстрации. Тоа би биле први опозициски протести после повеќе месеци.