Промоција на „Вивариум“ од Методија Фотев

Културно-информативниот центар од Скопје вечерва ќе ја промовира книгата „Вивариум“ од Методија Фотев, добитник на награда на „Дијалог“ за најдобар роман. Наградата свечено ќе му биде врачена на Фотев во Салонот 19,19 и воедно ќе бидат одбележани 50 години од неговата творечка дејност.

Романот „Вивариум“ го сочинуваат пет дела од прозно есеистички карактер во кои писателот на автентичен начин, со задлабочени и флексибилни промислувања, ги таложи своите богати и творечки искуства. За неговото дело ќе зборуваат писателите Благоја Иванов и Веле Смилевски, а извадоци од текст ќе чита актерката Билјана Беличанец. (Н.П.)