Еден загинат и тројца повредени во сообраќајка

Еден загинат и тројца повредени е билансот од тешката сообраќајна несреќа што во неделата навечер се случи во Кичево. Според МВР, околу 21,30 часот, на раскрсницата од булеварот „Ослободување“ и магистралниот пат од Кичево кон Охрид, дошло до директен судир меѓу „ауди“, управуван од Реџеп Цифуновски (61) од Кичево и „голф“, управуван од 24-годишен кичевец, во кој имало уште две лица. Несреќата била кобна за Цифуновски, додека тројцата патници во „голфот“ се здобиле со полесни повреди и по укажаната помош во кичевската болница биле пуштени на домашно лекување.

Надлежните извршија увид, а полицијата ги истражува причините за несреќата. (Г.А.)