17.12.2012, 14:57 „Телеком“ и „Т-мобиле“ со ист број за корисници
„Македонски телеком“ и „Т-мобиле“ отворија заеднички број за кориснички услуги. Бројот за приватни корисници за двете компании е 122, а за поддршка на бизнис-корисниците 120. Досегашните броеви за корисниците на „Т-хоум“ 171, 170, 177 и 080012345 во прво време ќе бидат активни паралелно со новите броеви. Имејлот на контакт-центарот на Т-мобиле не се менува, а на „Македонски телеком“ сега ќе биде 122@telekom.mk.
„Воведувањето на еден заеднички број за двете компании е во корист на корисниците кои сега на едно место и со вртење само на еден број ќе можат да дојдат до сите информации кои им се потребни“, информираат од компанијата. |
