Што прават денеска

Зоран Јакимовски

професор на ФЛУ

Деновиве сум во Пештани, на Охридско Езеро, и семејно го минуваме годишниот одмор. Денот минува релаксирано, што значи главни моменти се езерото, сонцето, плажата. Сепак, веќе почнувам да се подготвувам за меѓународната ликовна колонија во Патра, Грција, каде што ќе учествувам од 22 август од 1 септември.

Јелена Јованова

актерка

По сите ангажмани - театарски, телевизиски... во текот на изминатата година летово мислам дека одморот ми е најзаслужен. Затоа деновите уживам на плажите на Егејско Море и се трудам да не мислам дека, сепак, се ова броени денови. На одмор сум до 15 август.

Миле Кузмановски

пејач

Летово со семејството го поминавме редот за одмор на море, па деновиве од жешкото сонце и растопениот асфалт бегаме на викендичката во Кучково. Бидејќи деновиве до четврток немам некои настапи, можеме да се препуштиме сосема на летното разладување во базенчето.