Што прават денеска
 Ивица Јовановски
менаџер за продажба на „Авон“
Денешниов ден е најзначаен за „Авон“ во Македонија - денеска се одржува третата национална конференција за координаторите во „Холидеј ин“. Утринава имам состаноци со зонските менаџери и договор за следните активности. Вечер е официјалниот дел на конференцијата, кој ќе заврши со забава и коктел-дружење.
 Анета Кузмановска
сопственик на МА „Мак моделс“
Во тек се подготовките за почеток на курсевите по манекенство, фотомоделство, модерен џез-балет, хип-хоп и аеробик. Покрај ангажманите со уписите, имам и состанок со инструкторите и утврдување на програмата. Денеска се снима и една реклама со членови од нашата агенција, па одам да видам како течат работите.
 Горан Алачки
музичар
Во септември е вообичаено раздвижено во моето Музичко училиште, кога се во тек уписите на нови ученици, кои секоја година ги има повеќе, заинтересирани за македонскиот фолклор. Покрај тоа, ги подготвувам и музичките материјали за презентација на моите предавања во Бразил и во Јапонија, кои ме очекуваат во блиска иднина. | 
