Што прават денеска

Салаетин Билал

актер

Денешниов ден ќе биде ден за патување. Со претставата „Госпоѓица Јулија“ на Турската драма заминуваме за Умаг, Хрватска, каде што на 10 јули ќе играме на Интернационалниот театарски фестивал. По враќањето на 12 јули играме во Ресен, потоа на "Охридско лето", а во август ќе се снима филм на Косово.

Александар Масевски

композитор

Денот ми почнува со тренинг во теретана, потоа продолжувам со работа во студиото. Моментално работам на новиот сингл на Даниел Стојмановски. Попладнето е за релаксирање со семејството и за планирање, за летна преселба во Охрид, наскоро.

Влахо Бранѓолица

фотограф

Со оглед на тоа дека вечерва, од 20.30 ч., се отвора изложба на мои фотографии во КИЦ, во рамките на „Скопско лето“, денот ми почнува рано, за да ги наместам сликите, а и мултимедијата. Во 13.30 ч. имам состанок со критичарката Маја Чанкуловска, која ќе ја отвори изложбата. Вечер ги очекувам почитувачите на фотографијата.