На 83. место според индексот на светски мир

Македонија е рангирана на 83. место од вкупно 149 земји во светот според индексот на светскиот мир, а во регионот на Централна и Источна Европа се наоѓа на 15. место од вкупно 27 држави. Институтот за економија и мир, кој го објавува извештајот за 2010 година, пишува дека почитувањето на човековите права во Македонија е подобрено, но оти земјата не може да биде повисоко рангирана поради криминалот и лесниот пристап до оружје. Извештајот покажува дека глобалниот мир се влошува втора година едноподруго. Највисоко рангирани во светски рамки се Нов Зеланд, Исланд и Јапонија. (МИА)