Се' уште без нови директори на клиниките
Именувањето на директорите на клиниките, што министерот за здравство, Бујар Османи, го најави за вчера, е одложено. Министерот го оправда пролонгирањето со тоа што Здравствениот совет немал кворум за работа, бидејќи одредени членови биле оправдано отсутни. Неофицијални извори велат дека двете партии на власт се' уште преговараат затоа како да ги поделат директорските места на клиниките и дека со пролонгирањето министерот сака да добие во време. Тој, пак, тврди дека ќе ги чека да завршат конкурсите на сите клиники кои различно траат од 8 до 15 дена.
За тоа дали се врши притисок за директор на Пулмологија да се постави актуелниот претседател на Управниот одбор на клиниката, д-р Марија Здравеска, која се зборува дека е блиска на разрешената директорка Димитриевска и била вмешана во скандалот со спонзорските пари, министерот Османи не знаеше дали конкурирала на конкурсот. (Ј.Ј.) |
