Гоце Арнаудов

пејач

Во овој претпразничен период, речиси секој ден сме на снимање на некоја новогодишна програма. Денеска во план е снимање ваква програма за ТВ БОМ. За Нова година настапувам на плоштадот во Штип, а на 4 јануари веќе заминувам на едномесечна турнеја низ Америка.

Емилија Стефановска

социолог

Денеска денот ми поминува работно. Првата половина ја поминувам во мојата парфимерија „Ана бјути”во Ченто. Попладнето со сопругот Борче ја посетуваме мојата петмесечна внука од сестра, Мила. Вечерта ни е испланирана за прошетка низ град, предновогодишен шопинг, но и кафе-дружење со наши пријатели во некое кафуле.

Драган Пејчиќ

секр. на ФК Македонија ЃП

Кога е во прашање фудбалот, за мене нема одмор. Зимскиот преоден рок е на прагот и веќе размислуваме за засилувања за пролетната сезона. Македонија ЃП има шанси првпат во својата историја да ја освои шампионската титула на Македонија и со сите сили ќе се потрудиме да го оствариме тоа со најдобриот тим во Првата лига.