Што прават денеска

Александар Белов

пејач

Утрово се будам во Охрид по вчерашниот настап на хепенингот од затворањето на туристичката сезона. Ќе испијам кафе покрај езеро, па тргнувам за Скопје, каде што ме очекуваат пробите за сценскиот настап на претстојниот „Макфест“. Наближува фестивалот, па подготовките се се' поинтензивни.

Анита Палчевска

инженерка и скиперка

Интересен и динамичен ден е пред мене. На работното место ги завршувам сите обврски за идната недела, па попладне тргнувам за Хрватска. Со екипата од едриличарскиот клуб ПАМПУР утре би требало да бидеме во Биоград и да започнеме уште една едриличарска регата, што би траела една недела.

Александар Ристески-Принц

муз. продуцент

Викендов ми е некаков меѓупериод во работа на музичките проекти. Тоа значи дека сум ослободен од обврските во студио, па можеби времето ќе го искористам за некое домашно преуредување, како, на пример, менување тапети. Од понеделник повторно се затворам во студио.