Што прават денеска

Предраг Павловски

актер

Како за почеток на денот, имам проба за новата претстава во Театарот за деца и младинци, "Рекламна бајка". Ме очекува уште и надсинхронизација на серии во Сител, а и да довршам една реклама. Потоа ми останува само психички да се подготвувам за утрешната свадба на колешката Катерина Илиевска.

Јасминка Чакар

пијанистка

Иако универзитетската учебна година е на крај, а е и викенд, сепак, ќе се навратам на ФМУ за консултации со моите постдипломци. Со нив ќе разменам и импресии од вчерашниот концерт на оргули, на еден оргулист од Франција, што се одржа во Католичката црква во Скопје. Вечерва, можеби ќе одам на опера.

Камелија Пиперевска

ген. директорка на "Гони текс"

Навистина денеска е викенд-ден, но ако се сака успешно да се води бизнисот, тоа не значи многу. Така денеска го збогатуваме со нови колекции од наше производство на постелнини, завеси, бањарки и друга домашна галантерија нашиот продажен салон во центарот на Скопје. Попладнето, сепак, е за релаксација со семејството и најблиските.