Многу често во секојдневното живеење се сретнуваме со поимот конформизам и конформистичко однесување, како негативен социопсихолошки феномен на нашето живеење. Терминот конформизам доаѓа од латинскиот збор „конформе“, кој во слободен превод значи сообразување, приспособување. Конформизмот се состои во некритичко примање и некритичен став спрема одредени појави, за кои јасно знаеме дека се зло, се' со цел да бидеме општествено прифатени од групата (пред се', владејачката и доминантната) за остварување на одредени лично-профитни и лукративни интереси. Со овој проблем научно се занимавале лица со поголемо познавање, како што се Петинктон, Крецфилд и други, а на прекрасен начин и со сфатлив стил е опишан во преубавото дело на покојниот Алберто Морави „Конформист“, каде што е раозбличен конформизмот што доминирал во времeто на доаѓaњето на фашизмот во Италија. Истото дело е овекоевечено на филмско платно од ненадминатиот синеаст Бертолучи.
Но, целта не ми беше да елаборирам за конфоризмот и конформистичкото однесување, кое толку се рашири во последно време, па ја загади целокупната општествена средина, но да искажам еден мој став и размислување каде ние се движиме. Пред неколку дена забележав во централниот дел на Прилеп, на место каде што отсекогаш паметам дека се наоѓаше една парковна површина, збогатена со детски лулашки и слични други направи на кои и јас ги шетав и ги забавував моите деца, дека се подигнуваат тезгите и се вадат несреќните плочки, кои некој пред години, без смисла за убавина и екологија и со апокалиптички визии, на тоа место ги поставил заедно со тезгарскиот пазар. Кога го видов сето тоа, верувајте, се израдував. Еве, реков, се нашол паметен и доблесен ум да му ја врати примарната намена на овој простор, односно повторно да го претвори во парк. Но, ме удри вистинска дамла кога слушнав дека на тоа место градската управа планира да ги исече повеќедецениските дрва, да го уништи сето зеленило, со цел да изгради повеќекатна гаража...
Што се крие зад сето тоа и какви лични профити и лукративни обмисли можеме само да претпоставуваме. Ме зачудува што само на 500 м воздушна линија веќе е во финална фаза изградбата на една катна гаража (до Автобуската станица), а и местото е со таква локација така што пристапот со возила би бил вистински ужас. Но, побудите за нејзина градба се сосема од други и на сите како ден јасна побуда, ама од пусти страв и полтронство се молчи. Големи и моќни луѓе се замешани тука. Ова е вистинско еколошко злосторство што се случува во Прилеп, а сите т.н. екологисти молчат и ја пикаат главата како ној во песок. Дискрепанца до невидени размери!? Садиме дрва, прогласуваме Ден на дрвото, а истовремено ги уништуваме развиените повеќедецениски дрва и зелените површини?! Па со ова имаме шанса да го надминеме и г-динот Коце, кој направи вистинска „вегетациска касапница“ на „Илинденска“ во Скопје, но таму барем имаше граѓански револт. Овде во револуционерниот Прилеп ни крк ни мрк, а познато е дека Прилеп има можеби најмалку зелени површини во централното градско подрачје од сите градови во Македонија.
А што ме натера во врска со сево ова да го споменам конформизмот и конфомистичкото однесување како облик на наше живеење? На еден „елоквентен новинар“, кој пред неколку месеци ми порача стручен текст за конформизмиот за неговиот „месечник“, а кој од душа и срце е против овој еколошки ајдуклак, му се обратив со прашање: „Зошто се молчи и не се реагира?“ Тој ми одговори: „Знаеш бре какви се, ќе ми се одмаздат, а и детето не ми е вработено“.
Па се прашувам, зошто ми го порачуваше оној текст за конформизмот кога одлично го знаеш и го применуваш? На едно место во Библијата пишува: „Кутар да е оној на кого доброто име му е поважно од добрината и од чесноста“.
Da.. so seta pocit....gospodine Bogoev...Moravija go napisa toa prekrasno delo Komformist..tema aktuelna za sekoe zivurkanje vo opstestvo ..ama vo Vasiot natpis poveke ke mu odgovarase negovoto delo Rimjanka koe po mene e sprega na dvete dela ..a cija tema navistina odgovara na ovoj zivot sto go "zivurkame"..kako komformisti so psiholoska prostitucija...!!!
Од: Драган, Велес
Датум: 27.05.2010 01:26:50
Почитуван г-не Богоевски редовно и со должна почит ги читам Вашите писма. Ценам дека Вие сте човек кој ги препознава вистинските вредности и квалитети. Редовно пишувате на теми кои неоходно треба да го свртат вниманието на пошироката јавност. Ако не подалеку тогаш барем на Вашата, прилепската јавност. Но дали е така? Се сомневам во тоа бидејќи Вашиот глас како по правило останува единствен и осамен. Се прашувам, живеат ли во Прилеп граѓани со развиена граѓанска свест, има ли интелектуалци, опозиција и невладин сектор? Не сакам ниту да помислам но се плашам дека не е далеку денот кога и Вие ќе се соочите со еколошките проблеми со кои се соочуваме јас и моите сограѓани од Велес. Тоа никако не Ви го посакувам но односот кој и власта но и опозицијата очигледно го имаат кон екологијата неизбежно води кон катастрофа.
Од: Ајван Доктор®
Датум: 27.05.2010 13:06:46
Убаво штом „некому“Не му текнало да отвори Слободна Економска Зона за не дај боже,кога ќе налета Поплавата од Странски инвеститори кои,ете,едвај чекаат да инвестираат во „инвестицискиот рај“!Да,токму конформизмот нè уништува!Трпиме за да не останеме без работа,за да ги вработиме децата,за да не им стават лоша оценка на училиште, да може да си ги запишеме на дисперзирани студии...Трпиме за да не нè пријават комшиите,за да не ни дојдат инспектори во дуќанот,кафеаната...за да напредуваме...бидејќи „така било на Запад“... А На „Запад“Врие!„Лебче и солца,само мирно да е“,а ваму-Ниту Мирно,Ниту Лебче!Платите,треба да сме среќни ако доцнат,бидејќи може и да не ги добиеме!„Економска криза има-нема“во зависност од потребите за Лековитите (Надгробни)Споменици за 2014п.н.е.!Но,сепак,Трпи Трпе,заедно со Трпана,а на тоа ги учиме и малите Трпчиња!„Молчи,да не те чујат...!“.Вроден Мазохизам!По сè изгледа уживаме да нè Газат и да нè Лажат!(?)
Од: Od avtorot.
Датум: 27.05.2010 19:05:05
Ne znam dali komentarot ce bide objaven. I jas da bidam iskren, na odereden nacin pokaza "konfoirmiza na situacijat" karakteristicen i opisan vo strucnata literatura, odnosno probav da go povlecam tekstot, so cel da ne go navlecam gnevot na lokalnite mocnici koi stojat zad ovaj apokalipticen proekt.. No togas mi dojde mislata od Svetoto Pismo: "Spored toa sto da receme? Dali site ce ostaneme vo grev za da pokazeme uste povece nezasluzena dobrina"?I ne se pokajav.
