Што прават денеска

Трајче Јованов

директор на „Макфест“

Изгрејсонце „Макфест“, зајдисонце „Макфест“ - така ми изгледа денот, на 24 часа пред почеток на фестивалот. Во тек се последните подготовки, а како и секогаш, пред голема манифестација работите се решаваат во од. Секако, утре започнува фестивалот и подготвени сме од утре, па во наредните три дена да и' се посветиме на музиката.

Ленче Делова

актерка

По ангажманите околу снимањето и промоцијата на серијата „Од денес за утре“, што започна да се прикажува на Сител, дождовниве денови добро ми доаѓаат да се одморам во домашен амбиент. Навистина, повеќе ги сакам сончевите денови, но кога веќе мора, полека се привикнувам и на есента.

Благој Истатов

спортист и бизнисмен

Иако летната сезона заврши, во мојот спортски центар и мотел во Дојран врие од спортисти. Во периодов сум ангажиран околу семинарот за тренери и фудбалски судии, кои треба да добијат тренерска Б-лиценца и звање кандидати за судење во првата и во втората лига. Верувам дека сите ќе заминат задоволни од престојот во Дојран.