Продаден „Олимпик ерлајнс“
Атина - Грција ја продаде националната компанија „Олимпик ерлајнс“ на „Марфин инвестмент груп“ и на „Суиспорт“ за 177,2 милиони евра. Министерот за развој на Грција, Костис Хаџидакис, соопшти дека преговорите со двете компании за продавање на „Олимпик ерлајнс“ завршиле успешно. Според атинските гласила, договорено е „Марфин инвестмент груп“ за 127,4 милиони евра да ја купи воздухопловната дејноста на компанијата и техничката база, а „Суиспорт“ за 49,8 милиони евра ќе ја преземе земната оператива.
„Олимпик ерлајнс“, по 35 години како државна компанија, повторно преминува во приватни раце. Таа до средината седумдесеттите години беше сопственост на грчкиот милијардер Оназис. (Макфакс)
|
