Хуманитарен базар во гимназијата „Нова“
Меѓународното училиште „Нова“ утре ќе одржи хуманитарен семеен базар на кој ќе може да се купат накит, облека, козметика, книги, кожени производи, чевли, уметнички дела и ракотворби од познати производители и по пристапни цени. Средствата што ќе се соберат од продажбата ќе бидат донација за набавка на производи потребни за нега на децата од Домот за деца без родители во Битола. На базарот ќе се промовираат и уникатни уметнички ракотворби. Базарот ќе биде отворен од 11 до 15 часот во просториите на гимназијата „Нова“, а за четиричасовното траење ќе се одржи и модна ревија на колекции од „Манго“ и „Спрингфилд“, накит од „Алтанбаш“ и чанти од „Галко“, што ќе ги презентираат манекени-ученици од „Нова“. За нивните фризури ќе се погрижи Студио 501, а за комплетниот стајлинг Владо Георгиев. Специјални гости ќе бидат пејачите Бојана Атанасова и Тафа, како и виолинистот Томоко Сагава и пијанистката Виолетка Стефановска-Суковиќ. Влезот е бесплатен. (Сн.К.) |
