Што прават денеска

Кокан Димушевски

музичар

Деновиве си земам одмор да ги „средам коцките“ од напорната година зад мене. „Одморот“, всушност, значи дека ќе ги завршам само неодложните обврски на работа, со радиодизајнот. Токму заради „средување на коцките“, се откажав и од ангажманот за уметнички директор на домашниот „Евросонг“. Сепак, останувам на располагање за идеи, но не сум расположен за истурената позиција.

Љупка Џундева

актерка

Убаво ме изненади топлото време среде есен, што ми го подигна расположението. Денеска, по подолго убедување, ќе одам да го гледам филмот „Мајки“ на Милчо Манчевски. Сакам да го комплетирам сознанието за неговото творештво, бидејќи редовно ја следам неговата работа и ги имам гледано сите негови филмови.

Ирена Спасовска

пејачка

Претпладнето сум ангажирана со обврските за студиите по менаџмент на еколошки ресурси. Во сред колоквиумска недела сум, па голем дел од денот користам за учење. Попладне одам на снимање на една ТВ-емисија, а потоа се занимавам со училишните задачи на ќерка ми Тамара. Вечер од 21 ч. имам настап во ресторанот „Беровец“.